KjötsalA - Uppfært 2024

Haustið 2017 ákváðum við að prufa að selja lambaskrokka beint frá býli og voru viðtökurnar betri en við áttum von á. Síðastliðin ár hefur verið talsverð eftirspurn.

Árið 2024 bjóðum við upp á kjöt úr seinni slátrun.

Slátrað er föstudaginn 4. október og verður fé sótt á bæinn fimmtudaginn 3. október.

Við seljum þó að hámarki 25 skrokka árið 2023.

Þetta árið bjóðum við upp á lambakjöt á 2000kr/kg m. vsk. Meðal fallþungi lamba í kjötsölu árið 2023 var 17.5kg

Það kjöt sem við seljum beint er besta kjötið sem við slátrum. Við biðjum sláturhúsið um að taka frá þá skrokka sem lenda í efstu gæðaflokkum (E2, E3, U2 og U3). Það er það kjöt sem sláturhúsið borgar best fyrir og er með mestum vöðva. Það kjöt sem er keypt úti í búð getur verið úr öllum gæðaflokkum svo með því að versla beint frá býli má tryggja að maður sé að fá vöru í hæsta gæðaflokki.

Slátrað og sagað verður á sláturhúsi Norðlenska á Húsavík.

Kjötið verður afhent frosið í þeim pakkningum sem það kemur af sláturhúsi. Það er stór strigapoki með öllum skrokknum. Ef beðið er um fínsögun kemur hver partur í plastpoka (hvort læri í einn, hvor frampartur í einn og hryggsneiðar í einn).

Ef ætlunin er að kaupa fleiri en einn skrokk skal fylla þetta form út einusinni fyrir hvern skrokk.
Stjörnumerkta reiti þarf að fylla út. Ekki allir reitir skjalsins eru stjörnumerktir og því ekki nauðsynlegt að fylla út í alla reiti.

Hægt er að senda tölvupóst anna@eyjardalsa.is eða hringja 6937757 (Anna) ef einhverjar spurningar eru.

Um okkur

Anna Guðný er fædd og uppalin á Eyjardalsá og tók hún við rekstri búsins af foreldrum sínum áramótin 2016-2017. Við eru með um 170 kindur í vetrarfóðrun sem að gefur okkur í kringum 260 lömb.

Allt okkar fé gengur á fjall á sumrin og síðustu ár hefur 80-90% af fé komið heim strax í fyrstu smölum á heimalandinu hér ofan við bæinn.

Sögun

Kjötið verður sagað á sláturhúsi Norðlenska á Húsavík. Kjötið er sagað frosið og því er ekki hægt að fá bógana sér nema sem hluta af framparti (sjá mynd). Þegar bógur er tekinn sér er hann skorinn af við liðinn sem ekki er hægt að gera við frosið kjöt.

Slögin verða afhent heil nema sérstaklega sé beðið um annað.

Eftirfarandi saganir eru í boði á kjötinu en einnig er hægt að hafa samband og koma með sérstakar óskir.

1: Heill Skrokkur - 7 parta sögun
Tvö læri, tveir frampartar, tvö slög og hryggur heill. Hentar fyrir stórfjölskyldur eða þá sem vilja úrbeina sjálfir.

2: Heill Skrokkur - Tvö læri, Hryggur og Grillsneiðar/Súpukjöt
Tvö heil læri, hryggur heill. Frampartur sagað í grillsneiðar/súpukjöt. Slög heil.

3: Heill Skrokkur - Grillsneiðar
Allur skrokkurinn sagaður í grillsneiðar. Slög heil.

4: Heill Skrokkur - Annað læri í Grillsneiðar
Eitt læri heilt og annað sagað í grillsneiðar, hryggur heill. Frampartur sagað í grillsneiðar/súpukjöt. Slög heil.

5: Hálfur Skrokkur - Grillsneiðar
Hálfur skrokkur (Eitt læri, einn frampartur, eitt slag og hálfur hryggur), sagaður í grillsneiðar. Slög heil.

6: Séróskir
Hægt er að koma með sérstakar óskir um sögun og skal þá fylla út viðeigandi dálk í pöntunareyðublaði.

Afhending

Allt kjöt er afhent frosið. Við fáum kjötið afhent frosið og sagað á 3-4. degi eftir slátrun. Slátrað er 5. október.

Kjöt sem heimsent er á Akureyri er afhent að kvöldi þriðja dags eða á fjórða degi eftir slátrun. Við höfum takmarkað pláss til að geyma frosna skrokka svo biðjum fólk um að gera ráðstafanir til að geta tekið við kjötinu. Við látum vita sem allra fyrst hvenær það verður keyrt út á Akureyri

Kjöt sem keyrt verður heim á höfuðborgarsvæðinu verður keyrt suður við fyrsta tækifæri eftir að við höfum fengið það afhent. Keyrt suður að morgni til og afhent um daginn og kvöldið. Tilkynnt verður með nokkurra daga fyrirvara hvenær afhending á sér stað og biðjum við fólk um að gera ráðstafanir geti það ekki tekið á móti kjötinu á tilætluðum tíma.
3000kr gjald er tekið fyrir heimkeyrslu á höfuðborgarsvæðinu en þó einungis eitt gjald á hvern aðila (t.d. ef teknir eru 3 skrokkar á sama heimilisfang er einungis rukkað eitt heimkeyrslugjald).
Það fer eftir hvernig pantanir raðast á höfuðborgarsvæðið í hvaða röð skokkarnir eru afhentir.

Greiðsla

Hægt verður að greiða með millifærslu á reikning fyrirfram.
Reikningsnúmer: 1110-26-662946
kt: 220788-4079
senda skal tilkynningu á póstfangið anna@eyjardalsa.is eða í síma 6937757

Einnig er hægt að greiða með reiðufé við afhendingu og við verðum líka með posa.

Heildarupphæð verður send á hvern og einn um leið og búið er að vigta kjötið. Hægt er að greiða með reiðufé eða millifærslu og verður kjötið ekki afhent fyrr en greiðsla hefur átt sér stað.

Greiða þarf staðfestingargjald kr 4500 fyrir hvern skrokk áður en fé er sent á sláturhús. Ef staðfestingargjald er ekki greitt þegar fé er sent á sláturhús verður kjötið ekki tekið heim. Fé er sótt á bæinn fimmtudaginn 3. október.

Staðfestingargjald greiðist með millifærslu.